Joriy yil 18-yanvar kuni Xalq deputatlari Bo‘stonliq
tumani Kengash deputati Fatxulla Axmedov tomonidan "Sijjak"
mahallasida sayyor qabul o‘tkazildi. Ushbu qabulda “mahalla yettiligi”
xodimlari, tuman mutasaddi tashkilotlar vakillari ishtirok etdilar.  

  Qabul davomida fuqarolar kommunal xizmatlar
sohasidagi turli kamchiliklar, mahalla hududini obodonlashtirish va boshqa
masalalar yuzasidan murojaat va takliflar bildirdilar. Ayrim masalalar joyida
hal qilinib, qolgan murojaatlar bo‘yicha qonun doirasida tushuntirishlar
berildi.  

  Qabul yakunida okrug deputati yoshlarning bandligi,
bo‘sh vaqtlarini mazmunli o‘tkazish va boshqa dolzarb masalalar bo’yich o’z
takliflarini berdi.