Xalq deputatlari Tuproqqal’a tumani Kengashi deputati Jasurbek Kuryazov tomonidan “Jismoniy va yuridik shaxslarning murojaatlari to‘g‘risida”gi Qonun ijrosi yuzasidan o‘rganish ishlari olib borildi.

O‘rganish davomida tuman hokimligiga joriy yilning o‘tgan 5 oyi mobaynida kelib tushgan murojaatlar holati tahlil qilindi. Hisobot davrida jami 316 ta murojaat kelib tushgani, shundan 209 tasi joyida hal etilgani hamda tegishli tashkilotlarga yuborilgan murojaatlar nazoratga olingani qayd etildi.

Shuningdek, murojaatlarni ko‘rib chiqish jarayonlarida aniqlangan ayrim kamchiliklar muhokama qilinib, fuqarolar bilan sayyor qabullarni yanada samarali tashkil etish, murojaatlarni belgilangan muddatlarda ko‘rib chiqish bo‘yicha tegishli tavsiyalar bildirildi.
Deputatlik nazorati doirasida mazkur yo‘nalishdagi ishlar muntazam davom ettiriladi.