Xalq deputatlari Termiz shahar Kengashi raisi D.Normuradova hamda Kengash kotibiyati bosh mutaxassisi R.Mamashukurovlar Kengash deputati O.Lapasovaning saylov okrugiga qarashli “Shifokor” mahallasida bo‘ldilar.

⏺Tashrif davomida mas’ullar dastlab mahalla raisi bilan uchrashib, mahalla faollarining bugungi kundagi ish faoliyati tahlilini o‘tkazdilar.

💬 Suhbat davomida okrugdan saylangan deputat O.Lapasovaning mahalla bilan yo‘lga qo‘ygan amaliy hamkorlik aloqalari, fuqarolar murojaatlarini hamkorlikda hal etish va hududdagi ijtimoiy-iqtisodiy muammolarni bartaraf etish borasida amalga oshirayotgan ishlari samaradorligi ko‘rib chiqildi.

💬 Uchrashuv doirasida mahalla yoshlar yetakchisi A.G‘affarovning faoliyati va bugungi kundagi ish samaradorligi O‘zbekiston Respublikasining “Yoshlarga oid davlat siyosati to‘g‘risida” 2016-yil 14-sentabrdagi O‘RQ-406-sonli qonuni doirasida atroflicha ko‘rib chiqildi.

💬 Xususan:
🟢Yoshlar bandligi: Mahalladagi ishsiz yoshlarni aniqlash, ularni doimiy ish o‘rinlariga joylashtirish hamda tadbirkorlik tashabbuslarini qo‘llab-quvvatlash holati;

🟢"Yoshlar daftari": Daftarga kiritilgan ehtiyojmand yoshlarga ko‘rsatilayotgan tizimli yordamlarning manzilliligi va sifati;

🟢Bo'sh vaqtni mazmunli tashkil etish: Mahallada yoshlar o‘rtasida sport musobaqalari, madaniy-ma’rifiy tadbirlar hamda "Besh tashabbus" olimpiadasi doirasidagi loyihalar qamrovi tahlil qilindi.

💬Kengash raisi D.Normuradova yoshlar bilan ishlash tizimini yanada takomillashtirish, har bir yoshning muammosiga "xonadonbay" yondashish hamda deputat va mahalla faollari o‘rtasidagi hamkorlik ko‘lamini yanada kengaytirish bo‘yicha mas’ullarga aniq tavsiya va ko‘rsatmalar berdi.