Xalq deputatlari Angor tumani Kengashining 12-Qodiriy saylov okrugi deputati Qo‘ziyeva Shoira tomonidan hududdagi 

Axborot-kutubxona markazi faoliyati atroflicha o‘rganildi. O‘rganish jarayonida markazning moddiy-texnik bazasi, kitob fondi holati hamda kitobxonlarga yaratilgan sharoitlar batafsil ko‘zdan kechirildi. Jumladan, mazkur kutubxonada jami 84 ming 600 dona kitob fondi mavjudligi, shuningdek, 14 nafar malakali xodim aholiga xizmat ko‘rsatib kelayotgani aniqlandi. Kutubxona faoliyati mahalliy budjet mablag‘lari hisobidan moliyalashtirilayotgani ham qayd etildi.Shu bilan birga, o‘rganish davomida mavjud muammo va kamchiliklar, jumladan, ayrim infratuzilma masalalari, kitob fondini yanada boyitish hamda xizmat ko‘rsatish sifatini oshirish zarurati yuzasidan tegishli xulosalar qilindi. Aniqlangan kamchiliklar joyida qayd etilib, ularni bartaraf etish, kutubxona faoliyatini yanada takomillashtirish hamda aholiga ko‘rsatilayotgan xizmatlar sifatini oshirish maqsadida tegishli tashkilotlarga deputatlik so‘rovi yuboriladi. Mazkur o‘rganishishlari hududda ma’naviy-ma’rifiy muhitni yuksaltirish, aholi, ayniqsa yoshlar o‘rtasida kitobxonlik madaniyatini keng targ‘ib etishda muhim ahamiyat kasb etadi.