Bozataw rayonı “Bozataw” PPJ aymaǵında jaylasqan Qánigelestirilgen mektep imaratında Xalıq deputatları rayonlıq Keńesi, 2-sanlı “Erik baǵ” okrugi deputatı, rayon hákimi B.Ubbiniyazov tárepinen rayon turǵınlarınıń múrájatların úyreniw maqsetinde gezektegi jeke tártiptegi qabıllawı ótkerildi. Qabıllawda puqaralar tárepinen jeńilletilgen kredit, medicinalıq járdem kórsetiw, kadastr, aqaba suw máselesi, bántlik, kontrakt pulların tólewde ámeliy járdem kórsetiw hámde basqada turmıslıq mashqalalarǵa baylanıslı bolǵan múrájatlar kelip tústi.
Bunda hár bir múrájat tiyisli tártipte úyrenilip shıǵıldı hám ayrım múrájatlar sol orınnıń ózinde qanaatlandırıldı, sheshimi waqıt talap etetuǵın múrájatlar qadaǵalawǵa alındı.