Халқ депутатлари Янгиқўрғон туман Кенгаши депутати Ёқубжонов Жаҳонгир Зокиржонович ҳудудидаги мактабгача таълим муассасасида бўлиб, ўрганиш ишларини олиб борди.

Ташриф давомида муассасада яратилган шарт-шароитлар, тарбияланувчилар учун ташкил этилган муҳит, озиқ-овқат маҳсулотларининг сақланиш ҳолати ҳамда тарбия ва таълим жараёнларига алоҳида эътибор қаратилди. Шунингдек, муассаса фаолиятини янада яхшилашга доир масалалар ҳам ўрганилди.

Бу каби ўрганишлар орқали ҳудуддаги ижтимоий соҳалар фаолиятини таҳлил қилиш, мавжуд муаммоларни аниқлаш ва уларнинг ечимига кўмаклашиш мақсад қилинган.