Xalq deputatlari Surxondaryo viloyat Kengashi deputati, tadbirkor Xayitali Allamurodov hamda shahar Kengashi deputatlari Dilbar Normurodova, Akmal Ashurov bilan birgalikda O‘zbekiston Respublikasi Oliy Majlisi Senatining Kengashining "Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “Mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida” 2025-yil 14-yanvardagi KQ-35-sonli qarorining ijrosi yuzasidan Termiz shahri "Farhod" mahallasida mahalla yettiligi bilan muloqot olib borildi.

Mahallaga murojaat qilib kelgan 2 nafar fuqaroning muammosi deputatlar tomonidan eshitildi. Murojaatning 1 tasi deputat tomonidan moddiy yordam berilishi, ikkinchisi deputatlik so'rovi orqali hal etilishi kelishib olindi.

Shuningdek, viloyat bolalar yuqumli kasalliklar shifoxonasi hamda 11-sonli maktabning issiqlik tizimi, maktabda olib borilayotgan qurilish-ta'mirlash ishlari ko'zdan kechirildi.

O‘rganish yakunida deputatlar tomonidan aniqlangan masalalar yuzasidan tegishli tashkilotlarga topshiriqlar berildi. Aniqlangan muammolar va ularni bartaraf etish yuzasidan mutasaddi tashkilotlar rahbarlariga so'rovlar yuborish belgilandi.

Slide 1 of 10