2025-yil 28-oktyabr kuni Xo‘jayli tumani hokimligining majlislar zalida Xalq deputatlari tuman Kengashining o‘n oltinchi sessiyasi bo‘lib o‘tdi. Sessiyani Xalq deputatlari Xo‘jayli tumani Kengashi raisi J.Ermashev olib bordi. Kun tartibida 7 ta masala ko‘rib chiqilib, ma’ruzachilarning 9 oy davomida amalga oshirgan hisoboti tinglandi. Sessiyada mahalla mas’ullari har bir hududda jinoyatchilikka qarshi kurashish, jamoat tartibini saqlash, fuqarolar xavfsizligini ta’minlash borasida qilinayotgan ishlarni yanada mustahkamlash, ayniqsa yoshlar o‘rtasida uchrayotgan odobsizliklarning oldini olishdagi ishlar samaradorligini oshirishni alohida ta’kidladi. Deputatlar tomonidan kun tartibidagi barcha masalalar atroflicha tahlil qilindi va tegishli qarorlar qabul qilindi.