DEPUTATLAR QURILISH ISHLARI BILAN TANISHISHDI

Bugun xalq deputatlari tuman Kengashi deputatlari J.Axunov, A. Maxammatov. A. Tavboyev, tuman iqtisodiyot va moliya bo‘limi bosh mutaxassisi A. Haydarov, viloyat qurilish tashkilotlari mutasaddilari ishtirokida tumanda qurilayotgan, joriy ta’mirlanayotgan binolarning holatini ko‘zdan kechirishdi.  

Tumnimizda ko‘plab qurilishlar, bunyodkorlik ishlari davom etmoqda. Turli dasturlar va “Tashabbusli byudjet” loyihalari asosilda olib borilayotgan bu ishlar tumanimiz qiyofasini kundan kunga go‘zal qilib borishi tayin.

Ammo sodir bo‘layotgan bu o‘zgarishlar natijasi o‘laroq yuzaga kelayotgan bu yangilanishlar natijasida xalqimizga uzoq yillar xizmat qilib beradigan ijtimoiy soha ob’yektlari, obodonchilik va bunyodkorlik ishlari yuzaga kelsa xo‘bu xo‘b. Ammo sifat darajasi ham muhim vazifalardan biri. Ular 5, 10, 97-umumta’lim maktablarida yangidan barpo etilayotgan o‘quv xonalari, sport zal, oshxona, majlislar zali, Qo‘shtegirimon qishlog‘ida yangidan barpo etilayotgan sport kompleksi, Abu Ali Ibn Sino nomidagi Jamoat salomatligi texnikumi binosi joriy ta’miri, Payariq Tez tibbiy yordam stansiyasining yangidan qurilayotgan binosi qurilish ahvoli bilan tanishishib, quruvchilar va mutaxassislar bilan qurilish-ta’mirlash ishlarining sifati va borishi haqida suhbatlashishdi.