Xalq deputatlari viloyat Kengashi tomonidan Bandixon tumanida yangi ish o‘rinlarini yaratish va aholi bandligini ta’minlash bo‘yicha belgilangan vazifalar ijrosi va kelgusi rejalar bo‘yicha muhokama yig‘ilishi bo‘lib o‘tdi.

Yig‘ilishda xalq deputatlari viloyat Kengashi kotibiyati mudiri Saydulla Abduraimov, Bandixon tumani hokimi Abdumalik Allamurodov hamda ijtimoiy soha tashkilot, muassasa va korxonalar rahbarlari ishtirok etdi.

Shu bilan birga mahallalardagi hokim yordamchilari ishtirok etgan yig'ilishda korrupsiyaga qarshi kurashish hududiy Kengashining sayyor yig'ilishi bo'lib o'tdi. 

Unda hokim yordamchilari tomonidan korrupsiyaga yo'l quygan holatlari mutasaddi tashkilotlar ishtirokida muhokama qilindi.

Yig'ilish so'ngida korrupsiyaga qarshi kurashish hududiy Kengashi kotibi Saydulla Abduraimov tegishli ko'rsatmalarni berdi. Huquqni muhofaza qiluvchi davlat tashkilotlari targ'ibot va tekshiruv tadbirlarini kuchaytirish orqali korrupsion holatlarni oldini olish borasida kelishib olindi.