Xalq deputatlari tuman Kengashi deputati Ziyeda Rahimberganova “Saxovat” mahallasida istiqomat qiluvchi yakka yolg‘iz, 2-guruh nogironi hamda ijtimoiy himoyaga muhtoj fuqaro Zevar Kenjayeva xonadonida bo‘ldi.
Tashrif davomida Inson ijtimoiy xizmatlar markazi psixologi D. Jumaniyazova bilan birgalikda turmush o‘rtog‘i vafot etgan, hozirda hech qayerda ishlamaydigan Zevar Kenjayevaning yashash sharoiti o‘rganilib, samimiy muloqot olib borildi.
Uchrashuv davomida fuqaroga amaliy yordam ko‘rsatish yuzasidan tegishli masalalar kelishib olindi.
O‘z navbatida, Zevar Kenjayeva davlatimiz tomonidan nogironligi bo‘lgan shaxslar hamda yakka yolg‘iz keksalarga yaratilayotgan imkoniyat va imtiyozlar uchun minnatdorlik bildirib, sog‘lig‘i hamda kundalik yumushlarida ko‘maklashayotgan ijtimoiy xodimlar va doimiy xabar olib turayotgan tuman Kengashi deputati Ziyeda Rahimberganovaga o‘z tashakkurini izhor etdi.