Isbilermenler háreketi - Ózbekstan Liberal-demokratiyalıq partiyasınıń gezektegi májilisi bolıp ótti

Májliske ÓzLiDeP Qaraqalpaqstan Respublikası Keńesiniń baslıǵı S.Turmanov, apparat baslıǵı A.Aybergenov,  Xalıq deputatları Shımbay rayonlıq Keńesi baslıǵı O.Tolıbekov hám rayonlıq Keńes deputatları qatınastı.

Májiliste partiyanıń aymaqlıq shólkemi tárepinen ámelge asırılıp atırǵan jumıslar, xalıq penen pikirlesiwdi kúsheytiw, isbilermenlikti qollap-quwatlaw hám orınlardaǵı bar mashqalalardı saplastırıw máseleleri hár tárepleme dodalandı. Sonıń menen birge, partiya jumısınıń nátiyjeliligin arttırıw, xalıqtıń múrájatları menen islesiw sistemasın jetilistiriw hám orınlarda alıp barılıp atırǵan sociallıq-ekonomikalıq reformalarda partiyanıń qatnasın jáne de kúsheytiw boyınsha pikir alısıldı.
Májilis dawamında kún tártibindegi máseleler boyınsha tiyisli qararlar qabıl etilip, keleshekte ámelge asırılatuǵın tiykarǵı wazıypalar belgilep alındı.