Hurmatli ota-onalar! qadrli yoshlar, 

       Barchamiz uchun eng hayajonli va uzoq kutilgan onlarda talaba degan nomga o'zining tinimsiz mehnati va izlanishi bilan harakat qilib, davlat oliy ta’lim muassasalariga
qabul qilingan tumanimiz yoshlarini chin qalbimdan muborakbod etib, o'zimning ezgu tilaklarimni bildiraman. Davlatimiz Rahbari tomonidan yoshlar ta'lim-tarbiyasiga, ularning Vatanimiz taraqqiyotiga hissa qoʻsha oladigan yetuk kadr bo'lib shakllanishi uchun yaratilayotgan qulayliklardan unumli foydalanib, bugun o'z hayot yo'lini qurayotgan
yoshlarimiz uchun talaba degan nomga erishganligi nafaqat ota-onasi, shu bilan bir qatorda ustoz-murabbiylarining ulkan yutuqlaridir. Aytish joizki, talabalik bu sizga berilgan ulkan yutuq hamda yanada g'ayrat bilan o'qib, izlanish uchun imkoniyatdir. Bu yo‘lda tinimsiz izlanib, yangi marralar sari talpinish, dadillik va o‘zingizga qat’iy ishonch hissi doimo hamrohingiz bo‘lishi lozim. Hamisha yodingizda tuting, har biringiz o‘ziga xos iste’dod sohibisiz, ularni ro‘yobga chiqarish esa avvalo o‘zingizga, tinimsiz intilish va izlanishlaringizga bog‘liq.  

Joriy yilda tumanimizdagi umumta’lim maktablarida 280 bitiruvchi yoshlar o'qishni tamomlab, 139 nafari davlat oliy ta’lim muassasalariga o'qishga qabul qilindi. Shu bilan bir qatorda nodavlat oliy ta’lim muassasalariga hamda xorijiy nufuzli universitetlarga qabul qilingan yoshlar, kasb sirlarini o'rganish maqsadida kollej va texnikumda o'qishini davom ettirish niyatidagi
yoshlar bugun bizning oltin fondimizdir. Shuni aytishim lozimki, mazkur o'quv yilida o'qishga kirolmagan yoshlarimiz saboq olib, yanada izlanib, chuqur bilim olib, keyingi o'quv yilida davlat granti asosida o'qishga kirishlarida tilakdoshman va tuman rahbari sifarida bu yo'lda bor yordam va ko'mak ko'rsatilishini bildiraman. 

Aziz o'g'il qizlarim! 

Hayotda yuksak marralarni ko‘zlab, serg‘ayrat va bilimdon sizdek farzandlarimiz bizning faxrimiz, g'ururimiz! Sizlarni yanada bir bor bugungi quvonchli kun va hayot yo'lingizdagi ulkan muvaffaqiyatlar bilan samimiy muborakbod etib, kelgusi ishlaringizda omad va zafarlar tilayman!