O‘zbekiston Respublikasi Oila va xotin-qizlar qo‘mitasi raisi o‘rinbosari M.Nurmatova rahbarligidagi ishchi guruh tomonidan O‘zbekiston Respublikasi Prezidentining 2024-yil 7-martdagi PQ–122-son qarori ijrosini tashkil etish bo‘yicha Xotin-qizlarning jamiyatdagi rolini oshirish, gender tenglik va oila masalalari bo‘yicha Respublika komissiyasining 2024-yil 8-apreldagi 10-son bayonnomasi bilan belgilab berilgan vazifalar ijrosi o‘rganildi.

Jumladan, tumandagi Navbahor, Birdamlik va Polvontosh mahallalarida qaror ijrosi yuzasidan amalga oshirilayotgan ishlar tahlil qilinib, tegishli mas’ullarga ko‘rsatma va tavsiyalar berildi.

O‘rganish davomida Birdamlik mahallasida tashkil etilgan tikuvchilik korxonasi va kutubxona faoliyati hamda korxonada mehnat faoliyatini yuritayotgan xotin-qizlarning mehnat sharoitlari bilan tanishilib, ular bilan suhbat o‘tkazildi.