2024-yil 1-avgust kuni Xalq deputatlari Chinoz tumani Kengashi doimiy komissiyalarining qo‘shma majlisi bo‘lib o‘tdi. 

Qoʻshma majlisda quyidagi masalalar ko‘rib chiqildi.

Xalq deputatlari Chinoz tumani Kengashidagi deputatlik o‘rinlari sonini belgilash to‘g‘risida;

Chinoz tumani saylov komissiyasi a’zoligiga nomzodlarni tavsiya etish to‘g‘risida Xalq deputatlari Chinoz tumani Kengashining Sud-huquq masalalari va korrupsiyaga qarshi kurashish bo‘yicha doimiy komissiyasi raisi Sh.Botirovning axboroti eshitildi. 

Chinoz tumani boʻyicha 2024-yil birinchi mavsum tashabbusli byudjet jarayonida g‘olib bo‘lgan loyihalarni o‘z vaqtida va sifatli amalga oshirilishi holati to‘g‘risida tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Z.Sultonov hamda Chinoz tuman Iqtisodiyot va Moliya bo‘limi boshlig‘I M.Miryusupovlarning hisoboti eshitildi. 

O‘zbekiston mahallalari uyushmasi Chinoz tumani bo‘limi tomonidan Mahallaning ijtimoiy-iqtisodiy muammolarini hal etish jamg‘armasining 2024-yil 2-chorak daromadlari va xarajatlari ijrosi bo‘yicha bajarilgan ishlari to‘g‘risida O‘zbekiston mahallalari uyushmasi Chinoz tumani bo‘limi boshlig‘i Sh.Mamajononing hisoboti eshitildi.

O‘zbekiston Respublikasi Prezidentining 2020-yil 24-noyabrdagi “Sud hujjatlari va boshqa organlar hujjatlarini ijro etish tizimini yanada takomillashtirish chora-tadbirlari to‘g‘risida”gi PF-6118-sonli Farmoni ijrosi yuzasidan 2024-yilning 1-yarim yilligida tumanda amalga oshirilgan ishlar to‘g‘risida Majburiy ijro byurosi Chinoz tumani bo‘limi boshlig‘i v.v.b Sh.Ishanqulovning hisoboti eshitildi.

Shuningdek, majlisda boshqa masalalar ham ko'rib chiqildi.

Majlis kun tartibidagi masalalar muhokamasida deputatlar Sh.Botirov, O.Dadajonov, K.Shermatova, A.Axmedov, B.Umrzoqov, D.Teshaboyevlar o‘zlarining savol, taklif va fikr-mulohazalarini bildirib o‘tdilar. Doimiy komissiya a’zolari tomonidan bildirilgan fikr-mulohazalarni inobatga olib, Xalq deputatlari Chinoz tumani Kengashining navbatdagi sessiyasi kun tartibiga kiritish to‘g‘risida tegishli qarorlar qabul qilindi.

Xalq deputatlari Chinoz tumani Kengashining Sud-huquq masalalari va korrupsiyaga qarshi kurashish bo‘yicha doimiy komissiyasi raisi Sherzod Botirov