Dastlab, Oliy Majlis Qonunchilik palatasi deputatlari saylovini oʻtkazish boʻyicha Toshkent viloyati hududida bir mandatli saylov okruglarini tuzish toʻgʻrisida Markaziy saylov komissiyasiga taqdimnoma kiritish borasidagi masala koʻrib chiqildi.  

Shundan soʻng, 2025–2027-yillarda Toshkent viloyatining Oʻrta Chirchiq va Yangiyoʻl tumalarini barqaror rivojlantirish boʻyicha “Yoʻl xaritasi”ni tasdiqlash, 2024–2025-yillarda Toshkent viloyatining Oqqoʻrgʻon tumanini ijtimoiy-iqtisodiy rivojlantirish va aholining yashash sharoitlarini yanada yaxshilash boʻyicha qilinadigan ishlar muhokama qilindi. 

Bundan tashqari, mablagʻ taqsimlash, mahalliy byudjetning qoʻshimcha manbalaridan foydalanish, shuningdek, joriy yilning 6 oyi davomida jinoyatchilikka qarshi kurashish va huquqbuzarliklarning oldini olish va ularning profilaktikasi boʻyicha amalga oshirilgan ishlar sarhisob qilindi.