Oʻzbekiston Respublikasi Oliy Majlisi Senati Kengashining KQ-35-V sonli qarori asosida hududlarni rivojlantirishga qaratilgan dasturlar ijrosini samarali nazorat qilish hamda mahallalardagi muammolarni hal etish boʻyicha hamkorlik yoʻnalishlari bo'yicha Xalq deputatlari Qiziriq tumani Kengashi deputati I. Qurbonov oʻzi saylangan “Yakkaterak” mahallasida boʻldi.

Tashrif davomida deputat mahallada hokim yordamchisi hamda yoshlar yetakchisi tomonidan amalga oshirilayotgan ishlar bilan tanishdi. Shuningdek, “mahalla yettiligi” vakillari ishtirokida mahalla aholisi bilan muloqot tashkil etish maqsadida joylarga chiqib, fuqarolar bilan suhbatlar oʻtkazdi.

Oʻrganish jarayonida mahallada tadbirkorlikni rivojlantirish, aholi bandligini taʼminlash va kambagʻallikni qisqartirish borasida olib borilayotgan ishlar koʻrib chiqildi. Jumladan, hokim yordamchisi ko‘magida ajratilgan imtiyozli kreditlar asosida tashkil etilgan issiqxonachilik va chorvachilik yoʻnalishlarida faoliyat olib borayotgan fuqarolar bilan suhbatlar o'tkazildi.

Shuningdek, tashrif davomida mahalladagi 20-sonli maktabgacha taʼlim tashkilotiga borilib, muassasada bolalar uchun yaratilgan sharoitlar, ularning ovqatlanishini tashkil etish jarayoni, ovqatlanish retseptlariga amal qilinishi hamda sanitariya-gigiyena talablariga rioya etilishi holati ham koʻzdan kechirildi.

O‘rganish davomida aniqlangan masalalar yuzasidan tegishli mutasaddilarga tavsiyalar berildi hamda mahallada olib borilayotgan ishlar samaradorligini yanada oshirish bo‘yicha zarur chora-tadbirlar belgilab olindi.

Qiziriq tumani Kengashi Axborot xizmati

Rasmiy sahifalarimiz👇

Telegram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)

Slide 1 of 11