Bugun, payshanba – Yoshlar kuni munosabati bilan tuman hokimi Uchqun Yelmuratov mutasaddilar hamrohligida yosh tadbirkorlar faoliyati bilan tanishdi.

 Jumladan, “Abay” mahallasi hududida o‘quv markazi faoliyatini yo‘lga qo‘yishni maqsad qilgan Gulchehra Bahromova bilan suhbatlashgan tuman rahbari “Ko‘mak” loyihasi doirasida 130 mln. so‘m miqdorida ssuda mablag‘lari ajratilishida amaliy yordam berilishini ta’kidladi.

Bugungi kunda loyiha tashabbuskori tomonidan zaruriy hujjatlar tayyorlanib, Yoshlar ishlari agentligi viloyat boshqarmasiga ko‘rib chiqish uchun yuborilgan.

 Shuningdek, “Formula & Fluency” o‘quv markazi rahbari Anvar To‘rayev bilan markaz faoliyati, bugungi kunda o‘quvchilar qamrovi hamda o‘qitilayotgan fan yo‘nalishlarini kengaytirish masalalari yuzasidan o‘zaro fikr almashildi. Tavsiya va yo‘nalishlar muhokama qilindi.

 Bundan tashqari, “UCHQUDUQ DIYOR MEBEL” MChJ rahbari Qandiyor Obloyev, ishlab chiqarilayotgan mahsulotlarni ko‘ma savdo nuqtasida sotayotganligini bildirib, doimiy savdo qiladigan joyga aylantirishda amaliy ko‘mak so‘rab, murojaat qildi.

Yosh tadbirkorning ushbu murojaati Kadastr agentligini tuman bo‘limiga o‘rganish va aniq taklif kiritish uchun yo‘naltirildi.