Muzrabot tumani “Gulobod” mahallasida deputatning saylovchilari bilan uchrashuvi bo‘lib o‘tdi.

Unda xalq deputatlari tumani Kengashiga 7-Qo‘rg‘oncha saylov okrugidan saylangan deputat Norqobilov Shuxrat Ravshanovich ishtirok etdi.

Uchrashuv davomida hududni ijtimoiy-iqtisodiy rivojlantirish, aholi bandligini ta’minlash, infratuzilmani yaxshilash, ichimlik suvi, elektr energiyasi va yo‘llar bilan bog‘liq masalalar muhokama qilindi.

Shuningdek, mahallada tadbirkorlikni qo‘llab-quvvatlash, yoshlar va xotin-qizlar bandligini oshirish, ijtimoiy himoyaga muhtoj oilalarni qo‘llab-quvvatlash borasida amalga oshirilayotgan ishlar to‘g‘risida ma’lumot berildi.

Saylovchilar tomonidan qilingan murojaatlar va takliflar deputatlar tomonidan atroflicha o‘rganilib, ularni hal etish yuzasidan tegishli mutasaddi tashkilotlarga deputatlik so‘rovnoma yuborishga kelishib olindi.