Xalq deputatlari Boyovut tuman Kengashi deputati Shayimova Xalnisa Yakubovna “Paxtakor” mahallasi yettiligi hamda tegishli tashkilotlar vakillari bilan birgalikda hududdagi ijtimoiy soha obyektlarida bo‘lib, mavjud muammolarni joyiga chiqib o‘rgandi hamda xatlov natijalari bilan tanishdi.

O‘rganish jarayonida sog‘liqni saqlash muassasalari (9-OSHP va Ozodlik OSHP), maktabgacha ta’lim tashkilotlari (26- va 28-MTT) hamda ta’lim muassasalari (14- va 16-umumiy o‘rta ta’lim maktablari) faoliyati ko‘zdan kechirildi.

Aniqlangan muammolar:

1️⃣26- va 28-MTTlarda zamonaviy ta’lim jarayonini tashkil etish uchun interaktiv doskalarga ehtiyoj mavjud, shuningdek 28-MTT uchun 3 ta bolalar o‘yingohi zarur.

2️⃣16-umumiy o‘rta ta’lim maktabida o‘quvchilar soni ortib borayotgani sababli qo‘shimcha o‘quv binosiga ehtiyoj bor.

3️⃣Ozodlik qishlog‘ida tomorqa yerlariga suv chiqishini yaxshilash maqsadida drenaj tizimini ta’mirlash hamda ariqlarga lotoklar o‘rnatish lozim. Shuningdek Baxmal, Mehnatovov va Zulfiya ko‘chalariga elektr ustunlari o‘rnatish zarur.

4️⃣9-son oilaviy shifokorlik punkti faoliyatini ishga tushirish jarayoni cho‘zilib ketgan.

Deputat tomonidan mazkur masalalarni tegishli tashkilotlar bilan hamkorlikda hal etish yuzasidan takliflar ishlab chiqilib, mutasaddi idoralarga kiritilishi belgilandi. O‘rganish natijalari yuzasidan amaliy choralar ko‘rish orqali hudud aholisi uchun yaratilayotgan sharoitlarni yanada yaxshilash maqsad qilingan.