Xalıq deputatları Qaraózek rayonlıq Keńesiniń gezektegi on tórtinshi sessiyası bolıp ótti. Sessiyaǵa rayonlıq Keńes deputatları, hákim orınbasarları, Ishki isler bólimi, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı. 

Sessiya kún tártibinde dáslep rayon hákiminiń finans-ekonomika hám kámbaǵallıqtı qısqartıw máseleleri boyınsha birinshi orınbasarı B.Ayapbergenovtıń rayondı sociallıq-ekonomikalıq rawajlandırıw baǵdarlamaların ámelge asırıw, byudjet dáramatlar bazasın iske qosıw hám jańa jumıs orınların jaratıw baǵdarındaǵı esabatı hám usınısları, jáne Ishki isler bóliminiń jámiyetlik qáwipsizlik xızmeti bólimi tárepinen 2025-jıldıń on bir ayı dawamında ámelge asırılǵan jumıslar haqqında rayonlıq Ishki isler bólimi baslıǵınıń orınbasarı M.Alievlerdiń esabatları tıńlandı. Bunnan soń sessiya kún tártibindegi 2025-jıl vegetaciya dáwirinde suwǵarıw jumısları ushın ajıratılǵan suw limitin hám gúzgi-qısqı máwsimlerde awıl xojalıǵı eginlerin suwǵarıw hám shor juwıw ushın suw alıw limitlerin tastıyıqlaw boyınsha rayonlıq "Suw jetkerip beriw xızmeti" mámleketlik mákemesi direktorı B.Aytbaevtıń usınısı hám Ózbekstan sawda-sanaat palatası Qaraózek rayonlıq bóliminiń ámelge asırılıp atırǵan jumıslar boyınsha bólim baslıǵı T.Eshmuratovlardıń esabatları dodalandı. 

Sessiya kún tártibine turaqlı komissiyalar usınısları boyınsha kirgizilgen máseleler tolıq kórip shıǵılıp, aldaǵı isleniwi tiyis wazıypalar belgilep alındı hám sessiya óz jumısın juwmaqladı.