3-dekabr kuni Xalqaro nogironlar kunining o‘tkazilishi nogironlarning muammolariga, xususan, ularning siyosiy, iqtisodiy, madaniy va ijtimoiy hayotdagi ishtirokidan yuzaga keladigan afzallikka jamoatchilik e’tiborini jalb qilish, nogironlar qadri, huquqlari va farovonligini himoya qilishga qaratilgan. Millatimiz azal-azaldan mehr-oqibatli bo‘lib kelgan. Yiqilganni suyash, ko‘makka muhtojlarga yordam qo‘lini cho‘zish azaliy odatlarimizdan.

Xalq deputatlari tuman Kengashiga saylangan deputat S.M.Nurmahmatov tomonidan bugun “3-dekabr — Xalqaro nogironlar kuni” munosabati bilan Al-Hakim at-Termiziy MFYda yashovchi 10-dan ortiq nogironligi mavjud oilalarni yanada qo‘llab-quvvatlash maqsadida oziq-ovqat mahsulotlari ehson qilindi.

Deputat bu an’anani bir-necha yillardan beri tantanali bayram tarzida amalga oshirib, xonadonlarga quvonch va shodlik ulashib kelmoqda.