⚖️“Адолат” СДП Халқ депутатлари Урганч шаҳар Кенгаши депутати Гулирано Машарипова томонидан Урганч шаҳрида жойлашган 9-сон умумий ўрта таълим мактабининг қиш мавсумига тайёргарлик ишлари ўрганилди. Ташриф давомида таълим муассасасидаги синф хоналари, дунёвий фанлар лабораториялари, иситиш тизими, электр ва сув таъминотининг техник ҳолати атрофлича кўздан кечирилди.Шунингдек, болалар хавфсизлиги ва соғлом таълим муҳитини таъминлаш мақсадида ёритиш воситалари, ёнғин хавфсизлиги жиҳозлари, бирламчи тиббий хизмат хоналари ҳам алоҳида ўрганилди. Мактаб маъмурияти билан суҳбатда мавжуд муаммолар, уларни бартараф этиш бўйича таклиф ва тавсиялар ҳам тингланди.Депутат Гулирано Машарипова зиммасига юкланган депутатлик назорати доирасида қиш мавсуми давомида таълим жараёни узлуксиз ва хавфсиз ташкил этилиши учун масъул ташкилотлар билан ҳамкорликда тегишли чора-тадбирлар амалга оширилишини таъкидлади.