Xalq deputatlari Marg‘ilon shahar Kengashiga O`zbekiston XDPdan saylangan deputat Muhammadjon Mirzayev joriy yilning 18-noyabr kuni “Vatan” hamda “Rohat” mahalla fuqarolar yig‘inida "mahalla yettiligi", oqsoqollar va faollar bilan uchrashuv o‘tkazdi.

Tashrif davomida deputat mahallalarda amalga oshirilayotgan ijtimoiy-iqtisodiy ishlar, aholi bandligi, yoshlar bilan ishlash jarayonlari hamda uyma-uy o‘rganish samaradorligini ko‘zdan kechirdi. Shuningdek, hududdagi umumta’lim maktablari va bir qator ijtimoiy obyektlarning 2025–2026 yil qish mavsumiga tayyorgarlik holati o‘rganilib, isitish tizimlari va xavfsizlik talablariga amal qilinishi borasida mutasaddilarga tegishli tavsiyalar berildi.

O‘rganishlar jarayonida aniqlangan kamchiliklar yuzasidan tashkilot rahbarlariga aniq muddatli topshiriqlar berilib, ularning ijrosi deputat nazoratiga olindi.