18-noyabr – O‘zbekiston davlat ramzlari tizimida muhim o‘rin egallovchi sana: aynan shu kuni 1991-yilda Davlat bayrog‘i rasmiy ravishda qabul qilingan.Bu bayram nafaqat milliy ramzga hurmat belgisi, balki mustaqillik va suverenitetning ramziy ifodasidir.

“Davlat bayrog‘i xalqning ilmiy ta’rifini emas, balki uning milliy o‘ziga xosligini ifodalovchi ramz sifatida qaraladi. Ushbu ramzning shakllanishi ma’lum ijtimoiy-madaniy sharoit va tarixiy jarayonlar bilan bog‘liq.”

Biroq, bayroq ramzi faqat tarixiy voqea emas — u “Yangi O‘zbekiston” davrida erishilgan strategik yutuqlar bilan uyg‘unlashib, zamonaviy milliy qadriyat va taraqqiyot ramziga aylangan.

2016-yil oxiri va 2017-yil boshida yangi siyosiy davr boshlangan. Prezident Shavkat Mirziyoyev rahbarligida mamlakatda keng ko‘lamli islohotlar boshlanib, iqtisodiy liberallashtirish, davlat organlarining ochiqligi, ma’muriy boshqaruvda innovatsiyalar va sotsial himoya ustuvorligi yo‘nalishlari kuchaydi. 

Bu islohotlar bayroq ramzi bilan uyg‘un: mustaqillik va suverenitet uchun kurash endi faqat ramz emas, balki kundalik hayotdagi aniq iqtisodiy va ijtimoiy natijalar orqali namoyon bo‘lmoqda. 

18-noyabr – O‘zbekiston Davlat bayrog‘i kuni faqat ramziy sanadir. Ammo “Yangi O‘zbekiston” davrida erishilgan yutuqlar ushbu ramzni yangi 3-Rennisansga olib kiradi: bayroq endi faqat mustaqillik timsoli bo‘lib qolmay, transformatsiya, islohot va taraqqiyot ramziga ham aylanadi. 

2016–2025 yillarda iqtisodiy liberallashtirish, sotsial barqarorlik, infratuzilma modernizatsiyasi va xalqaro hamkorlikdagi sezilarli yutuqlar bayroq ostidagi xalq birligining, suverenitetning va milliy o‘zlikning real namoyonidir. Shu bois har bir O‘zbek uchun 18-noyabrni nishonlash — milliy g‘urur va obro‘ni ifoda etish, shuningdek, kelajakní yuksaltirishga bo‘lgan ishonchni yangilashdir. 

Xalq deputatlari Urganch shahar Kengashi deputati G.Masharipova