O‘zbekiston Respublikasi Oliy Majlisi Qonunchilik palatasining Harakatlar Dasturiga muvofiq, Agrar va suv xo‘jaligi masalalari qo‘mitasi a’zolari R.Siddiqov hamda
M.Muxammedovlar tomonidan suv resurslaridan samarali foydalanish, suv tejaydigan texnologiyalarni joriy qilish, nasoslar samaradorligini oshirish va kanallarni betonlash orqali suv yo‘qotilishini kamaytirish borasidagi vazifalar ijrosi yuzasidan Jizzax viloyatining Paxtakor tumanida nazorat-tahlil tartibida o‘rganish ishlarini olib bordi. 

Shuningdek, yuqoridagi masalalar yuzasidan Paxtakor tumanidagi “Navbahor” fermer xo‘jaliklari hududiy uyushmasidagi “Javlonbek” fermer xo‘jaligi hamda “Paxtakor” fermer xo‘jaliklari hududiy uyushmasidagi “Semrug‘” urug‘chilik klasterlariga tashrif buyurdi.