#_Haftalik_ish_reja
#_deputat_faoliyati
#_kotibiyat_xodimi_faoliyati
#_24_talik_masala
Shohjahon mahallasida fuqarolar murojaatlari manzilli o‘rganildi

Xalq deputatlari Sariosiyo tumani Kengashining 14-Navro‘z saylov okrugidan saylangan deputati S.Avazov hamda tuman Kengashi kotibiyati bosh mutaxassisi N.Xamdamova tomonidan Shohjahon mahallasida fuqarolar murojaatlarini joyida o‘rganish maqsadida manzilli o‘rganish ishlari olib borildi.

O‘rganish jarayonida mas’ullar mahalla hududidagi ko‘chalarni kezib, aholi xonadonlarida bo‘ldilar hamda fuqarolar bilan yuzma-yuz muloqot qildilar. Muloqot davomida aholining kundalik hayotida uchrayotgan muammolar, mavjud kamchiliklar va ularni bartaraf etish yuzasidan bildirilgan taklif hamda murojaatlar tinglandi.

Shuningdek, hududni obodonlashtirish, mahalla infratuzilmasini yaxshilash va aholini qiynayotgan masalalarni hal etish bo‘yicha bildirilgan fikr-mulohazalarga alohida e’tibor qaratildi. Fuqarolar tomonidan ko‘tarilgan masalalarni atroflicha o‘rganish, ularning yechimi yuzasidan tegishli choralarni belgilash hamda zarur hollarda mas’ul tashkilotlar bilan hamkorlikda ish olib borish muhimligi qayd etildi.

Mazkur manzilli o‘rganishlardan ko‘zlangan asosiy maqsad — fuqarolar murojaatlarini joyida o‘rganish, aholi bilan ochiq muloqotni mustahkamlash, mavjud muammolarni aniqlash va ularning yechimi bo‘yicha amaliy choralar ko‘rishdan iborat.

Bunday uchrashuvlar deputatlik nazoratini samarali tashkil etish, aholi manfaatlarini himoya qilish hamda mahallalarda mavjud muammolarni tizimli ravishda o‘rganib borishda muhim ahamiyat kasb etadi.

Fuqarolar murojaatlari — deputatlik faoliyatining doimiy e’tiborida!