✅ Халық депутатлары Шымбай районлық Кеңеси баслығы "Көкши қала" МПЖ аймағында болып, пуқаралардың мүрәжатлерин үйренди.

🔹 Илажда Халық депутатлары Шымбай районлық Кеңесине 24-"Қ.Аўезов" сайлаў округынан Өзбекстан Халық демократиялык партиясынан сайланған депутат, Халық депутатлары Шымбай районлық Кеңеси баслығы О.Толыбеков, Өзбекстан Мәҳәллелер аўқамы районлық бөлими баслығы А.Даўлетмуратов, «мәҳәлле жетилиги» ағзалары ҳәм аймақ турғынлары қатнасты.

♻️ Ушырасыў даўамында мәҳәлле халқының турмыс абаданлығын арттырыў, аймақ инфраструктурасын жақсылаў ҳәм социаллық-итибарға мүтәж шаңарақларды қоллап-қуўатлаўға байланыслы әҳмийетли мәселелер ҳәр тәреплеме додаланды. Илаж даўамында пуқаралар тәрепинен ишки жолларды оңлаў, электр энергиясы ҳәм ишимлик суўы тәмийнатын жақсылаў, халықтың бәнтлигин тәмийинлеў ҳәм социаллық жәрдем көрсетиўге байланыслы бир қатар мүрәжатлар билдирилди.

✍️ Илаж соңында депутат О.Толыбеков ҳәр бир мүрәжатты айрықша тыңлап, олардың орынланыўын тәмийинлеў бойынша тийисли тараў ҳәм шөлкемлердиң басшылары менен биргеликте анық илажларды белгилеп алды.