Xalq deputatlari Chilonzor tumani Kengashi deputati, 5-Charx Kamolon saylov okrugi deputati Mahmudova Donoxon Artikovna tomonidan hududda hokim yordamchilari faoliyati, xususan, aholini kambag‘allikdan chiqarish va ularning turmush sharoitini yaxshilash borasida amalga oshirilayotgan ishlar samaradorligi o‘rganildi.

O‘rganish davomida hokim yordamchilari tomonidan aholi bandligini ta’minlash, fuqarolarni daromadli mehnat bilan shug‘ullanishga jalb etish, tadbirkorlik faoliyatini yo‘lga qo‘yish hamda mavjud imkoniyatlardan samarali foydalanish orqali oilalarning daromadlarini oshirish borasida olib borilayotgan ishlar bilan tanishildi.

Shuningdek, ehtiyojmand oilalarni qo‘llab-quvvatlash, ularning muammolarini aniqlash va hal etish, aholini kambag‘allikdan chiqarishga qaratilgan chora-tadbirlarning natijadorligini oshirish masalalariga alohida e’tibor qaratildi.

O‘rganish yakunida ushbu yo‘nalishdagi ishlar samaradorligini yanada oshirish, aholi murojaatlari bilan tizimli ishlash hamda fuqarolarning bandligi va daromadlarini oshirishga qaratilgan chora-tadbirlarning ijrosini ta’minlash muhimligi ta’kidlandi.