#Haftalik_ish_reja_ijrosi #19¹_modda #Deputatlik_nazorati

Xalq deputatlari Angor tumani Kengashining 21-«Chinobod» saylov okrugidan saylangan deputati G. Mamatova tomonidan «Chinobod» mahallasining Markaz ko‘chasida amalga oshirilgan obodonlashtirish ishlari deputatlik nazorati tartibida o‘rganildi.

O‘rganish davomida O‘zbekiston Respublikasi Prezidentining 2024-yil 28-martdagi «Islom taraqqiyot banki ishtirokida “Qishloq joylarni kompleks rivojlantirish” loyihasini amalga oshirish chora-tadbirlari to‘g‘risida»gi PQ–141-son qarori ijrosi doirasida ichki yo‘llarni asfaltlash hamda aholi uchun qulay va xavfsiz harakatlanish sharoitlarini yaratish maqsadida barpo etilgan piyodalar yo‘lakchalarining holatiga e’tibor qaratildi.

Shuningdek, hududning obodligi, infratuzilma obyektlarining holati va amalga oshirilgan ishlarning aholi turmushiga ta’siri ko‘zdan kechirildi.

Deputatlik nazoratining asosiy maqsadi — hududlarda olib borilayotgan bunyodkorlik va obodonlashtirish ishlarining sifatini ta’minlash, mavjud infratuzilmadan samarali foydalanish hamda fuqarolar uchun yanada qulay sharoitlar yaratishga ko‘maklashishdan iborat.