🇺🇿 YOSHLAR BILAN MULOQOT: MUAMMOLAR YECHIMI VA YANGI IMKONIYATLAR SARI!

Bandixonda “Payshanba” — yoshlar kuni munosabati bilan Xalq deputatlari Bandixon tumani Kengashi deputati, tuman hokimi Abdumalik Allamuradovning yoshlar bilan uchrashuvi bo‘lib o‘tdi.

Uchrashuv davomida yoshlarning muammo va takliflari atroflicha o‘rganilib, har bir yosh bilan individual suhbatlar o‘tkazildi. Ularning kelajak rejalari, qiziqishlari, orzu-intilishlari hamda o‘z oldiga qo‘ygan maqsadlari bilan yaqindan tanishildi.

Zero, har bir yoshning ortida katta orzu, ezgu maqsad va kelajakka bo‘lgan ishonch mujassam. Yoshlarning intilishlarini ro‘yobga chiqarish, ularning bilim olishi, kasb-hunar egallashi, bandligini ta’minlash va o‘z salohiyatini namoyon etishi uchun zarur sharoitlarni yaratish muhim vazifalardan biridir.

Yoshlar bilan ochiq muloqot — yangi g‘oyalar, aniq rejalar va amaliy yechimlar sari muhim qadam!