SAYLOVCHILAR MUROJAATI JOYIGA CHIQIB O‘RGANILDI

Xalq deputatlari Oqoltin tumani Kengashi raisi Sh.Eshbayev hamda deputat G.Islamova tomonidan Ahillik mahallasi saylovchilari tomonidan bildirilgan murojaat joyiga chiqqan holda o‘rganildi.

O‘rganish davomida mahalla markazida avtomobillarning aylanma harakatlanishi uchun yo‘l bo‘lagi mavjud bo‘lsa-da, mazkur hududda tegishli yo‘l belgisi o‘rnatilmaganligi aniqlandi. Ushbu holat haydovchilar uchun noqulaylik tug‘dirishi va yo‘l-transport hodisalari yuzaga kelish xavfini oshirishi mumkinligi qayd etildi.

Murojaat yuzasidan yo‘l harakati xavfsizligini ta’minlash, tegishli yo‘l belgilarini o‘rnatish hamda fuqarolar uchun xavfsiz harakatlanish sharoitlarini yaratish masalasiga e’tibor qaratildi.