Xalq deputatlari Qo‘qon shahar Kengashiga “Saodat” saylov okrugidan saylangan deputat I.Fayzullayev tomonidan “Sobir Abdulla” mahalla fuqarolar yig‘inida xonadonbay o‘rganish ishlari olib borildi.

O‘rganishlar davomida Bekbutabek ko‘chasi, 34-uyda yashovchi fuqaro O.Komilova xonadoniga tashrif buyurilib, unga ijtimoiy xodim tomonidan ko‘rsatilayotgan yordamlar hamda sog‘lig‘ini tiklash borasida amalga oshirilayotgan ishlar muhokama qilindi.

Ma’lum bo‘lishicha, O.Komilovaga jarrohlik amaliyotini o‘tkazish uchun zarur yordam ko‘rsatilgan va hozirda jarrohlik amaliyoti muvaffaqiyatli amalga oshirilgan. Ayni paytda fuqaroning salomatligini tiklash, tibbiy reabilitatsiyasini ta’minlash hamda sog‘ayish jarayonini qo‘llab-quvvatlash bo‘yicha tegishli ishlar olib borilmoqda.

Tashrif davomida fuqaroga ko‘rsatilayotgan ijtimoiy xizmatlarning samaradorligi, tibbiy reabilitatsiya jarayonini davom ettirish va zarur ko‘makni o‘z vaqtida tashkil etish masalalariga alohida e’tibor qaratildi.

Xalq deputatlari Qo‘qon shahar Kengashi