Xalq deputatlari Chilonzor tumani Kengashi deputatlari Mahmudova Donoxon Artikovna hamda Ahmedov Shuhrat Murotovich tomonidan O‘zbekiston Respublikasining 2016-yil 4-yanvardagi O‘RQ-399-sonli «Dori vositalari va farmatsevtika faoliyati to‘g‘risida»gi O‘zbekiston Respublikasi Qonuniga o‘zgartish va qo‘shimchalar kiritish haqidagi Qonuni ijrosini tumanda o‘rganish ishlari olib borildi.

O‘rganish davomida dori vositalari muomalasi, aholiga dori vositalarini belgilangan tartibda yetkazib berish hamda farmatsevtika faoliyati sohasidagi qonunchilik talablariga rioya etilishi masalalariga e’tibor qaratildi.

Shuningdek, aholining dori vositalaridan foydalanish imkoniyatlarini kengaytirish, dori-darmon ta’minotida qonuniylik va belgilangan tartibga rioya etilishini ta’minlash, fuqarolarning huquq va manfaatlarini himoya qilish masalalari ko‘rib chiqildi.


Xalq deputatlari Chilonzor tumani Kengashi deputatlari tomonidan qonunlar ijrosi ustidan deputatlik nazoratini amalga oshirish, aholi manfaatlarini himoya qilish va hududdagi dolzarb masalalarni o‘rganish ishlari davom ettiriladi.