Xalq deputatlari tuman Kengashi raisi, tuman Kengashi kotibiyati mudiri, deputatlar hamda tuman Kengashi huzuridagi Yoshlar maslahat guruhi a’zolari ishtirokida yig‘ilish o‘tkazildi.

Yig‘ilishda Kengash faoliyatini samarali va tizimli tashkil etish, deputatlik korpusi bilan ishlashni muvofiqlashtirish, deputatlarning saylov okruglaridagi faoliyatini yanada kuchaytirish hamda aholi bilan bevosita muloqotni yo‘lga qo‘yish masalalariga alohida e’tibor qaratildi.

Shuningdek, fuqarolardan kelib tushayotgan murojaatlarni o‘z vaqtida ko‘rib chiqish, ularning qonuniy huquq va manfaatlarini himoya qilish, deputatlik so‘rovlarini belgilangan tartibda yuborish va ijrosini nazorat qilish, Kengash tomonidan qabul qilinayotgan qarorlarning ijrosini ta’minlash yuzasidan amalga oshirilayotgan ishlar muhokama qilindi.

Yig‘ilish yakunida deputatlar va Yoshlar maslahat guruhi a’zolarining Kengash faoliyatidagi ishtirokini yanada kuchaytirish, mavjud muammolarni manzilli o‘rganish, aholi murojaatlarini nazoratga olish hamda belgilangan vazifalar ijrosini ta’minlash bo‘yicha tegishli vazifalar belgilab olindi.