Huquqiy savodxonlikni oshirish va bepul yuridik yordam ko‘rsatish masalalari muhokama qilindi

Xalq deputatlari Mirzo Ulug‘bek tumani Kengashi deputatlari “Madad” nodavlat notijorat tashkiloti vakillari bilan uchrashib, tumanda aholining huquqiy savodxonligini oshirish, fuqarolarga bepul yuridik yordam ko‘rsatish hamda huquqiy targ‘ibot ishlarini kuchaytirish borasida amalga oshirilayotgan ishlar yuzasidan suhbatlashdilar.

Muloqot davomida aholining huquqiy bilimlarini mustahkamlash, fuqarolarning qonuniy manfaatlarini himoya qilish, ularning murojaatlariga huquqiy yechim topishda ko‘maklashish hamda aholining turli qatlamlari uchun huquqiy maslahatlar olish imkoniyatlarini kengaytirish masalalariga alohida e’tibor qaratildi.

Shuningdek, “Madad” nodavlat notijorat tashkiloti tomonidan huquqiy targ‘ibotga qaratilgan tadbirlar va aksiyalarni muntazam tashkil etish, fuqarolarga bepul yuridik maslahatlar berish hamda huquqiy muammolarni hal etishda amaliy yordam ko‘rsatish borasidagi faoliyat muhokama qilindi.