💐 QO‘SHA QARISH SAODATI — OILAVIY BAXT VA SADOQAT TIMSOLI

Paxtakor tumanidagi Mingchinor mahallasi stadionida tuman hokimligi, Oila va xotin-qizlar bo‘limi, “Nuroniy” jamg‘armasi tuman bo‘limi, Madaniyat bo‘limi hamda mahalla fuqarolar yig‘inlari hamkorligida “Qo‘sha qarish saodati” nomli ma’naviy-ma’rifiy tadbir o‘tkazildi.

Tadbirda Xalq deputatlari Jizzax viloyati Kengashi deputati, O‘zbekiston Qahramoni A. Eshmatov, Xalq deputatlari Paxtakor tumani Kengashi deputati, tuman hokimi X. Abduvoxidov, Respublika ishchi guruhi vakili Sh. Maksudov hamda tuman Kengashi ekspert guruhi raisi o‘rinbosari Sh. Normaxammatov ishtirok etdi.

Tadbirning asosiy maqsadi uzoq yillar davomida ahil va inoq hayot kechirib kelayotgan oilalarni e’zozlash, keksalarga hurmat-ehtirom ko‘rsatish, oilaviy qadriyatlarni mustahkamlash hamda yosh avlodga ibrat bo‘ladigan hayotiy tajribalarni targ‘ib etishdan iborat bo‘ldi.