Yunusobod tuman Kengashi deputati Ashrapova I. tomonidan tumandagi 220-sonli umumta’lim maktabida kuz-qish mavsumiga tayyorgarlik holati o‘rganildi.

✅O‘rganish davomida maktabda o‘quvchilar uchun yaratilgan sharoitlar, xususan, sinf xonalarining isitilishi, isitish tizimlarining texnik holati, batareya va radiatorlarning sozligi, shuningdek, issiqlik ta’minotining mavsumga tayyorligi ko‘zdan kechirildi.

Shu bilan birga, isitish tizimida aniqlangan kamchiliklarni bartaraf etish, o‘quv xonalarida me’yoriy haroratni ta’minlash hamda o‘quvchilar uchun qulay va xavfsiz sharoit yaratish bo‘yicha mas’ullarga tegishli tavsiyalar berildi.

📌O‘rganish ishlari O‘zbekiston Respublikasining “Ta’lim to‘g‘risida”gi Qonuni hamda mahalliy Kengash deputatining vakolatlari doirasida amalga oshirildi.

Yunusobod tuman Kengashi deputatlari tomonidan ijtimoiy soha obyektlarida mavsumiy tayyorgarlik holatini o‘rganish va aniqlangan muammolarni bartaraf etish bo‘yicha deputatlik nazorati davom ettiriladi.