#24_ta_tavsiyaviy_savol

❗️ YASHNOBOD TUMANIDA HUDUDIY O‘RGANISHLAR OLIB BORILDI

🏛 Oliy Majlis Senatining Fan, ta’lim va sog‘liqni saqlash masalalari qo‘mitasi a’zosi Gulnora Marufova, Xalq deputatlari Toshkent shahar Kengashi kotibiyati mudiri, deputat Davronbek Ravshanbekov hamda Yashnobod tumani Kengashi kotibiyati mas’ullari hududda amalga oshirilayotgan ijtimoiy-iqtisodiy ishlar bilan tanishdi.

🔺 O‘rganishlar dastlab Yashnobod tumani hokimligining Vaziyatlar markazidan boshlandi. Bu yerda tuman hokimi, uning o‘rinbosarlari, tegishli tashkilot va muassasalar rahbarlari hamda mahalla raislari ishtirokida uchrashuv o‘tkazildi.

📋 Uchrashuv davomida hududdagi dolzarb ijtimoiy-iqtisodiy masalalar, aholini qiynayotgan muammolar va ularni manzilli hal etish choralari muhokama qilindi. Shuningdek, Oliy Majlis Senatining yigirmanchi yalpi majlisida ko‘rib chiqilgan masalalar yuzasidan mas’ullar bilan fikr almashildi.

🔎 Hududlarni rivojlantirish, aniqlangan muammolarga o‘z vaqtida yechim topish hamda mas’ul tashkilotlar faoliyati samaradorligini oshirish yuzasidan tegishli taklif va tavsiyalar bildirildi.

➡️ Yashnobod tumanidagi o‘rganishlar davom etmoqda.

📱 Telegram 📱 Instagram 📱 Facebook 📱 YouTube 🔎 E-kengash