Olmaliq shahrida aholi uchun qulay va zamonaviy shart-sharoitlarni yaratish, mahalla institutining samaradorligini oshirish borasidagi amaliy ishlar izchil davom etmoqda.
"Usmon Nosir" mahallasi binosida keng ko‘lamli yangidan qurish va rekonstruksiya ishlari yakuniga yetkazilib, maskan mutlaqo yangi, zamonaviy ko‘rinishga ega bo‘ldi.

Xalq deputatlari Olmaliq shahar Kengashi deputati Faxriddin Matasimov ushbu mahallaga tashrif buyurib, amalga oshirilgan bino va inshootlardagi qurilish-ta'mirlash ishlarining sifatini atroflicha o‘rgandi.
Shuningdek, deputat tomonidan:
👷‍♂️ "Mahalla yettiligi" xodimlari uchun yaratilgan texnik sharoitlar;
🤝 Fuqarolarni qabul qilish, ularning murojaatlari bilan ishlash uchun qulayliklar;
💻 Zamonaviy axborot texnologiyalari va zarur mebellar bilan ta'minlanganlik darajasi ko‘zdan kechirildi.

Bino va undagi yaratilgan sharoitlar aholiga sifatli xizmat ko‘rsatish hamda "mahallabay" ishlash tizimini yanada samarali yo‘lga qo‘yishga xizmat qiladi.