Xalq deputatlari Sharof Rashidov tuman Kengashi deputati Omonliqov Meliqo‘zi Temirovich tomonidan mahalliy Kengash deputatlari faoliyatining ustuvor yo‘nalishlaridan biri — hududlardagi ichki yo‘llarning holatini o‘rganish va mavjud muammolarni bartaraf etishga ko‘maklashish yuzasidan Nurafshon mahallasi Darxon ko‘chasida o‘rganish ishlari olib borildi.
O‘rganishlar natijasida ko‘chaning 500 metr qismini asfaltlash zarurati mavjudligi aniqlandi. Mazkur yo‘l qismi shu vaqtga qadar mahalla aholisi tomonidan hashar yo‘li bilan muntazam ravishda shag‘allashtirib kelinayotgan bo‘lsa-da, yo‘lning bugungi holati zamonaviy va qulay harakatlanish talablariga to‘liq javob bermasligi qayd etildi.
Aniqlangan muammo yuzasidan tegishli mutasaddi tashkilotlarga xabar berilib, mazkur masala deputatlik nazoratiga olinib, uning amaliy yechimi va belgilangan tartibda hal etilishi yuzasidan monitoring olib borilishi ta’kidlandi.