O‘rganish davomida mahalla raisi tomonidan ichki yo‘llarni yaxshilash hamda tungi yoritkich chiroqlar o‘rnatish borasida amalga oshirilgan ishlar holati ko‘zdan kechirildi.

Xususan, aholi uchun qulay va xavfsiz sharoit yaratish, ichki yo‘llarning holatini yaxshilash, mahalla hududini tungi vaqtda yoritish hamda infratuzilmani yanada rivojlantirish borasida amalga oshirilayotgan ishlarga alohida e’tibor qaratildi.

O‘rganish jarayonida mavjud muammolarni bartaraf etish, aholi uchun munosib sharoit yaratish va belgilangan vazifalar ijrosini ta’minlash yuzasidan tegishli tavsiyalar berildi.

Bunday o‘rganishlar deputatlik nazoratini kuchaytirish, aholi murojaatlarida ko‘tarilayotgan masalalarni joyida o‘rganish hamda mahallalarda infratuzilmani yaxshilashga qaratilgan ishlarning samaradorligini oshirishga xizmat qiladi.