🔰Xatchabarot qishlog‘i aholisining murojaati deputat nazoratida

➡️Xalq deputatlari Jondor tumani Kengashiga 3-Romish saylov okrugidan saylangan deputat R. Bozorovaga Xatchabarot qishlog‘i aholisi tomonidan toza ichimlik suvi ta’minotini yaxshilash masalasida murojaat qilindi.
➡️Murojaatda qishloq aholisini sifatli va toza ichimlik suvi bilan ta’minlash maqsadida hududga ichimlik suvi quvurlarini tortish zarurligi bildirilgan.
➡️Fuqarolar murojaati deputat tomonidan o‘rganilib, aholi uchun muhim bo‘lgan mazkur masalani hal etish maqsadida «Buxoro suv ta’minoti» AJ Jondor tumani filiali rahbari O. Orimov nomiga deputatlik so‘rovi yuborildi.
➡️Deputatlik so‘rovida Xatchabarot qishlog‘i aholisining toza ichimlik suviga bo‘lgan ehtiyojini inobatga olgan holda, hududga ichimlik suvi quvurlarini tortish imkoniyatlarini ko‘rib chiqish hamda amaliy choralar ko‘rish so‘raldi.
➡️Deputat R. Bozorova mazkur masalaning yechimini topish, aholi murojaatining ijobiy hal etilishini ta’minlash va saylovchilar manfaatlarini himoya qilish borasidagi ishlarni nazoratga oldi.

Aholi murojaatlari — deputat e’tiborida, ularning ijobiy yechimi esa doimiy nazoratda.