Mazkur qaror O‘zbekiston Respublikasi Prezidentining 2026 yil 5 fevraldagi PQ–48-sonli qarori ijrosini Qumqo‘rg‘on tumanida ta’minlash, shuningdek, ko‘p kvartirali uylarga tutash hududlarni obodonlashtirish maqsadida qabul qilingan dastur asosida amalga oshirilmoqda.

O‘rganish davomida dasturda belgilangan vazifalarning ijrosi, mahallada aholi uchun qulay va zamonaviy sharoitlar yaratish, ko‘p kvartirali uylar atrofini obodonlashtirish borasida amalga oshirilgan ishlar holati ko‘zdan kechirildi.

✨ Dasturga muvofiq “Neftchilar” mahallasida zamonaviy bolalar o‘yingohi qurilishi ishlari to‘liq yakunlanib, foydalanishga topshirildi.

Yangi o‘yingoh mahallada istiqomat qiluvchi bolalarning bo‘sh vaqtlarini mazmunli o‘tkazishi, ularning jismoniy faolligini oshirishi va sog‘lom turmush tarzini shakllantirishi uchun munosib sharoit yaratadi.

Shuningdek, mazkur ob’ektning barpo etilishi mahalla qiyofasini yanada obod qilish, aholi uchun qulay jamoat muhitini shakllantirish hamda bolalar uchun xavfsiz va zamonaviy hudud yaratishga xizmat qilmoqda.