O‘rganish davomida aholiga ko‘rsatilayotgan jamoat transport xizmatlarining sifati va qulayligi, yo‘lovchilar xavfsizligini ta’minlash, transport vositalarining belgilangan yo‘nalishlar bo‘yicha harakatlanishi hamda bekatda yo‘lovchilar uchun yaratilgan sharoitlarga alohida e’tibor qaratildi.

Shuningdek, jamoat transporti harakatining muntazamligi, aholi ehtiyojini inobatga olgan holda transport xizmatlarini tashkil etish va yo‘lovchilarga qulaylik yaratish masalalari tahlil qilindi.

O‘rganish jarayonida aniqlangan masalalar yuzasidan mas’ullar bilan fikr almashilib, aholiga sifatli, xavfsiz va qulay transport xizmatlarini ko‘rsatish bo‘yicha tegishli tavsiyalar berildi.