Mahalliy Kengash deputatlari faoliyatining eng muhim yo‘nalishlari bo‘yicha 24 tavsiya asosida amaliy ishlar olib borilmoqda.

Xalq deputatlari Andijon shahar Kengashi deputati A. Appaqov “Maydon bozori” MFYda bo‘lib, yoshlar yetakchisining faoliyati bilan tanishdi.

Tashrif davomida mahalladagi yoshlar bilan ishlash, ularning bandligini ta’minlash, bo‘sh vaqtlarini mazmunli tashkil etish, yoshlarning taklif va tashabbuslarini qo‘llab-quvvatlash borasida amalga oshirilayotgan ishlar o‘rganildi.

Asosiy maqsad — yoshlar manfaatlarini himoya qilish va ularning tashabbuslarini qo‘llab-quvvatlash orqali mahallada yoshlar bilan ishlash samaradorligini oshirish.