Oqtosh mahallasi ichki ko‘chalari holati o‘rganildi.
Oqtosh mahalla fuqarolar yig‘ini hududidagi ichki ko‘chalarning holati yuzasidan tuman Kengashi kotibiyati bosh mutaxassisi  J.Butayev tomonidan nazorat-tahlil o‘tkazildi.
O‘rganish davomida ichki ko‘chalarning joriy holati, obodonlashtirish va ta’mirlashga ehtiyoj mavjud bo‘lgan hududlar ko‘zdan kechirildi.
Aniqlangan holatlar bo‘yicha tegishli mas’ullarga taklif va tavsiyalar berildi hamda mavjud muammolarni bartaraf etish choralarini ko‘rish masalalari muhokama qilindi.
Mazkur o‘rganishdan ko‘zlangan asosiy maqsad — mahalla aholisi uchun qulay va xavfsiz harakatlanish sharoitini ta’minlash, ichki ko‘chalar holatini yaxshilash hamda hududni obodonlashtirish ishlari ustidan jamoatchilik nazoratini kuchaytirishdan iborat.