Yurtimizda o‘tkazilayotgan “Yong‘indan ogohlik” umummilliy kampaniyasi oyligi hamda kuz-qish mavsumiga puxta tayyorgarlik ko‘rish doirasida Yunusobod tumanidagi “Adolat” va “Husniobod” mahallalarida aholining yong‘in xavfsizligini ta’minlashga qaratilgan yo‘riqnoma o‘tkazildi.

🇺🇿Mazkur tadbir Xalq deputatlari Yunusobod tumani Kengashi deputatlari nazorati ostida tuman Favqulodda vaziyatlar bo‘limi (FVB) xodimlari bilan hamkorlikda tashkil etildi.

🔥Tadbir davomida isitish moslamalaridan xavfsiz foydalanish, yong‘in xavfsizligi qoidalariga qat’iy rioya etish hamda is gazidan zaharlanishning oldini olish bo‘yicha aholiga profilaktik tushuntirish va amaliy ko‘rsatmalar berildi.

📌Deputatlik nazorati doirasida aholining xavfsizligini ta’minlash, mavsumga tayyorgarlik holatini o‘rganish va mavjud muammolarni o‘z vaqtida aniqlashga alohida e’tibor qaratilmoqda.

👥Aholi xavfsizligini ta’minlashga qaratilgan bunday tadbirlar tuman hududida tizimli ravishda davom ettiriladi.