Hokim yordamchisi faoliyati o‘rganildi.

Xalq deputatlari Angor tumani Kengashi 6-Qorasuv saylov okrugi deputati J.Raximqulov ish rejasiga ko‘ra, Qorasuv mahallasida hokim yordamchisi faoliyatini o‘rgandi.

O‘rganish davomida deputat uchun belgilangan 24 ta tavsiya ijrosi, aholi bilan ishlash holati, bandlikni ta’minlash, tadbirkorlik tashabbuslarini qo‘llab-quvvatlash hamda aholi muammolarini aniqlash va ularni hal etish borasida amalga oshirilayotgan ishlar tahlil qilindi.

Shuningdek, xonadonbay o‘rganishlar, aholining daromad manbalarini kengaytirish va ijtimoiy-iqtisodiy muammolarni manzilli hal etish bo‘yicha hokim yordamchisi tomonidan olib borilayotgan ishlarning samaradorligiga alohida e’tibor qaratildi.

O‘rganish yakunlari bo‘yicha mavjud kamchiliklarni bartaraf etish, belgilangan tavsiyalar ijrosini ta’minlash hamda aholi bandligi va farovonligini oshirish yuzasidan tegishli tavsiya va takliflar bildirildi.