Xalq deputatlari Qo‘qon shahar Kengashiga 24-“Rayhon” saylov okrugidan saylangan deputat Sh.Xasanova tomonidan “Rayhon” mahalla fuqarolar yig‘inida navbatdagi o‘rganish ishlari olib borildi.

O‘rganish davomida mahalladagi ijtimoiy xodim D.Yusupova tomonidan amalga oshirilayotgan ishlar, ijtimoiy himoyaga muhtoj fuqarolar bilan olib borilayotgan ishlar hamda ularning murojaatlarini hal etish borasidagi faoliyati o‘rganildi.

Xususan, ijtimoiy reyestrda turuvchi fuqaro M.Ergashevaning farzandini bepul maktabgacha ta’lim muassasasiga joylashtirish masalasida amaliy ko‘mak ko‘rsatilgani ma’lum bo‘ldi.

O‘rganish jarayonida fuqaro bilan suhbat o‘tkazilib, u ko‘rsatilgan ijtimoiy xizmatdan mamnunligini bildirib, ijtimoiy xodim D.Yusupovaning amaliy yordamidan minnatdor ekanligini ta’kidladi.

Fuqarolarga zarur ijtimoiy xizmatlarni o‘z vaqtida ko‘rsatish, ijtimoiy himoyaga muhtoj oilalarni qo‘llab-quvvatlash hamda ularning muammolariga amaliy yechim topish borasidagi ishlar ijobiy baholandi.

Xalq deputatlari Qo‘qon shahar Kengashi